Oppsummering vårsesongen

Oversikt over mål, assist, kort osv i dei første 11 kampane!

Då det er ei god stund til neste Fjørakamp, vil det verte ein liten månad utan oppdateringar her på fjora.no. Første haustkamp er mot Vik 5.august og sidan går det slag i slag. I midten av august skal også Fjøra som vanleg til fjells for fiskekonkurranse og grilling, ei fin sosial samling som har vorte ein tradisjon i Fjøra. Nedanfor ser du litt statistikk over vårsesongen, og det er liten tvil om at systrendingen Anders Hjeltnes har vore ein vikig mann for Fjøra. Etter ein litt trå start både for han og laget fekk han si første nettkjenning i den fjerde serierunden mot SIL 3. Deretter gjekk han mållaus av bana mot Kaupanger før han scora i kvar av dei seks siste kampane før ferien, deriblant hattrick både mot Sandane og no mot Årdal 2.

Ellers var me svært imponert over lagmoralen og engasjementet i toppkampane borte mot Førde 2 og Skavøypollen. To jamne kampar som vippa i Fjøra sin favør, og spesielt jubelscenene både etter måla og i garderoben etter kampen mot Pollen var kjekt å sjå. Det blir spennande og sjå om Fjøra kan fortsetja like bra i haust for allereie i andre haustkamp 11.august kjem den suverene serieleiaren Florø 2 på besøk.