Prematch Fjøra - Jølster

Haustsesongen er i gang

Det er slutt på fotballferien i fjerdedivisjon og med unntak av to kampar i kveld, går resten av runde 12 av stabelen i morgon, tysdag 30.juli. Fjøra tek i mot Jølster på Fosshaugane Campus kl 19.00, ein kamp Fjøra bør vinna for å ha kontakt med tetlaga.

Etter ein lengre sommarpause har me fått friskmeldt ein del småskada spelarar, samt at me har fått inn to nysigneringar (sjå eigen sak). Treningane sidan oppstarten etter ferien har vore av god kvalitet, og kampen om ein plass i startoppstillingen har hardna til. Dei som fortsatt er utilgjengelege er Kristian Nornes (kyssesjuka) og Mats Nondal (muleg korsbåndskade), medan dei to studentane Knut Ola Høvik og Håvard Thunes Lilletvedt først kjem tilbake til bygda om to veker.I tillegg må Ørjan Hjellhaug sone karantene for tre gule kort

Me går som vanleg ut for å styra kampen og går for tre poeng som me alltid gjer. Me skal vera tolmodige med ball og leita etter gunstige oppspelsalternativ, samtidig som det skal gå raskt framover når mulegheiten tilseier det. Forhåpentlegvis vil det vera me som står att som vinnar etter ein god prestasjon over 90 minutt.

Troppen til Fjøra mot Jølster er: Håvard B, Bjarte H, Eilert H, Torbjørn Y, Per Eirik L, Ole Marius S, Roger Hjellhaug, Vegard F N, Olve Ø, Øystein W, Arild U, Daniel F, Kenneth N, Johan S, Anders H, Jan Tore S.

Me ynskjer alle vel møtt på kamp tysdag kl 19.00

Ei lita vurdering av dei andre kampane:

Førde 2 – Høyang (mand)

Vart spelt i kveld og som venta vann Førde 2 denne 3-1.

Skavøypollen – Kaupanger (mand)

Også denne vart spelt i kveld og Pollen vann til slutt 3-0 her

Balestrand - Dale

Viktig kamp i botnen av tabellen. Balestrand med kun ein seier hittil i år og laget ligg sist med 4 poeng. Dale hakket betre med sine 9 poeng. Me trur ikkje nokon av laget vinn denne, U.

Eid – SIL 3

Eid jaktar Førde 2 på toppen av tabellen medan SIL 3 er å finne i botnstriden med 9 poeng. På papiret skal derfor dette vera grei skuring for eit Eidlag som har slite på heimebane i år. Klar H

Florø 2 – Sandane

Toppkamp mellom lag nr 3 og 4 på tabellen. Vanskeleg å spå utfallet av denne kampen, men me trur Sandane dreg i land alle poenga trass heimebanefordelen til Florø 2. Tynn B