Nye Fjøraspelarar

Stallen til Fjøra begynnar ta form og siste veka er fire nye spelarar komt inn

(Foto: Stig Høynes)

Fjøra har denne veka fått inn fire nye spelarar og stallen 2016 begynnar dermed å setta seg.

Jonas Halvorsen (1997-modell) har spelt for Bodø/Glimt 2, Grand Bodø og Junkeren og er no klar for Fjøra. Jonas er sentral midtbanespelar med gode basisferdigheiter. God med ball og taper heller ikkje mange hovudduellar.

Den andre nykomaren er Espen Outzen (1994-modell), tidlegare Molde 2 og Træff. Han er ein hurtig spiss med gode avslutningsferdigheter, som også kan skapa ting på eiga hånd.

Så har Håvard Hatle vore i sin gamle klubb, Averøykameratene, og henta Arne Martin Fossland (1992-modell). Spelande midtstoppar som vil passe godt inn saman med bulldosarstopparane me har i stallen frå før og kan også brukast i ein djup midtbaneposisjon. Arne kjem frå Averøykameratene og har også spelt for Frei, Kristiansund BK og Eik Tønsberg.

I tillegg til desse har nok ein ung og treningsvillig sogndøl komen inn. Adrian Gjermundstad (1999-modell) har vore med Fjøra og trent ei stund og han er no klar for Fjørastallen 2016. Han er ein fysisk sterk midtstoppar som me håpar kan ta nokre steg og utvikla seg vidare i Fjøra

Me ønsker alle saman velkomne til Fjøra og seier lykke til i årets sesong.

Dette er stallen til Fjøra slik den ser ut no: