Dato for årsfest klar

Årsfest for Fjøra FK vert halde laurdag 24. november 2012. Den vert tradisjonen tru halden ved Quality Sogndal Hotel.

   
Årsfestar er viktige greier. På mange måtar er det som ein sosial årsmelding. Det markerer slutten på ein sesong og det markerer at klubben er i live og har eksistert eitt år sidan førre gong. Det er jo eit vesentleg poeng om det no er snakk om ein fotballklubb eller ei verksemd for den del.

Tradisjonen tru så vert det servert julemat. Det kjem til å bli premieutdelingar i diverse kategoriar, det vert mange godord, nett slik som det skal vera på festar. Og det vert blomster. Masse blomster.

I år verserer det ingen rykte i høve underhaldninga, me me håpar jo på at Torbjørn Ylvisåker leverer eit grensesprengande humoristisk innslag mellom hovudretten og "disserten".