Bittert poengtap mot slutten

Fjøra og Skavøypoll delte poenga i gårsdagens toppoppgjer i den lokale 4. divisjonen. Kampen enda 1-1, etter at Ola Egge Ødegaard gav Fjøra leiinga på straffe. Men Polljen utlikna med ei sein scoring. Poengdeling føltes ikkje rettvist i denne kampen.

Me har fått følgjande oppsummering av trenar Kjell Ertesvåg:

" Fjøra leverte ein solid kamp mot Polljen. Trygge deffansivt, og skapte bra med sjansar. Me leiar 1-0, har kontroll og bør punktere etter nokre store sjansar. I siste minutta glepp det på eigen halvdel, og Polljen utliknar til 1-1. Bittert, for denne kampen hadde me fortjent å vinne. Spelarane legg ned ein solid innsats for dagen, er lojale i høve speleopplegget, men får likevel lite betalt.

Med tanke på at me hadde 10 friske utespelarar idag, så var det ein imponerande lagmoral. Stian Solberg kjem inn halvskada siste kvarteret, og ofrar seg.

Med tanke på det me har prestert siste kampane, gledar me oss til SIL2-kampen på laurdag. "

Som Kjell nemner i oppsummeringa så er det litt tunt i rekkjene om dagen. I kampen mot Polljen i går så var følgjande ute:

Torbjørn Ylvisåker og Johan Elverum Salveson var i bryllaup nede i Italia (som gjester), Arild Underdal, Anders Hella, Jørn Skjeldestad, Roger Hjellhaug og Daniel Fylling er alle skada. Sebastian Tveten Eriksen var austaføre.

Me får håpa at fleswt mogeleg er attende innan rimeleg tid. Uansett, dei som er friske er også raske, noko dei viste i gårsdagens kamp.



KAMPFAKTA

Skavøypoll IL - Fjøra FK 1-1 (0-0)

Mål:
0-1, Ola Egge Ødegaard, 58 min (str.)
1-1, Tor Erik Tvendesæter Kupen, 88 min

Gult kort:
Lars Nygård, Børge Yndestad, Tor Erik Tvendesæter Kupen, Skavøypoll. Ola Egge Ødegaard, Fjøra

Raudt kort:
Yngve Furnes, Skavøypoll

Domartrio:
Kaj-Inge Fløde, Stadlandet IL. Assistentar: Muhamet Barlla, Eid IL og Andreas Sandal, Haugen IL.L

Tilskodarar:
Ca 100 stk

Skavøypoll IL (4-3-3): Yngve Furnes - Andre Oddvar Høydal, Børge Yndestad, Lars Nygård, Rune Myre - Rune Solvang, Kim Andre Gangeskar, Kristian Gangsøy (Magnus Nore frå 70. min) - Vegard Rangsæter (Nicolas Andrew Karlsen frå 56. min), Tor Erik Tvendesæter Kupen (Shanjeevan Mohanarajah frå 90. min) og Nicolai Heggedal (Espen Sandal frå 79. min)

Fjøra (4-2-3-1): Bjarte Hovland - Jørn Kvalvik, Tor Ove Anuglen, Vegard Fardal Nes, Ola Egge Ødegaard - Johan Vorgaard, Ole Morten Kvam - Ørjan Hjellhaug (Stian Anhanger Solberg frå 79. min), Espen Granlund, Kenneth Nondal - Magnus Hunemo