Voss - Fjøra 1-3

Flott ramme rundt kampen på Olabana i dag, ein kamp Fjøra vann 3-1 etter to mål av Wigum og eitt av Flo

Det er no to år sidan Fjøraspelar Ola Egge Ødegaard omkom i ei arbeidsulykke på Voss og i 2014 vart den nye kunstgrasbana til Voss oppkalla etter Ola da den fekk namnet Olabana. Som eit ledd i oppkøyringa til haustsesongen møttest i kveld dei to klubbane Ola har spelt for, Voss og Fjøra, til treningskamp og kampen enda med 3-1 seier til Fjøra. Ei fin og uformell markering der nokre heldige Fjøraspelarar også fekk seg eit måltid med betasuppe hos familien Egge Ødegaard før retur til Sogndal.

Fjøra hadde god kontroll på Voss første timen, mens vossingane pressa Fjøra litt bakpå ein periode i andre omgang. I første omgang var det nærmaste Voss kom Fjøramålet eit hardt og upresist tilbakespel frå Wigum, men Mjelleli fekk så vidt avverga. Etter 37 minutt scora Wigum for Fjøra med eit kontant hovudstøt etter ein hard og presis corner frå Kristoffersen. 1-0 til pause i ein omgang der Fjøra hadde dei største sjansane men der me ofte var for langt unna når ballsikre vossingar spelte seg ut bakfrå.

Etter om lag timen la Wigum på til 2-0 då han knalla eit frispark direkte i lengste hjørnet. Voss var meir med i andre omgang og på slutten reduserte dei til 2-1 før Mathias Flo fastsette sluttresultatet til 3-1 på overtid. Me møtte eit ballsikkert Vosslag som gav oss god kamp men me slapp sjeldan vossingane til dei store sjansane. God kamp av Fjøra, og ikkje minst god innsats av samtlege noko som gir Fjøratrenar Hatle mange muligheter når han skal ta ut laget framover.

Me takkar Voss for å ha laga ei fin ramme rundt denne kampen og ønsker dei lykke til vidare i sesongen

KAMPFAKTA:

Kamptidspunkt: Tysdag 04.08 kl 18:30

Arena: Olabana, Voss

Turnering: Treningskamp

Dommar: Ukjendt

Voss – Fjøra 1-3 (0-1)

0-1    37 min Gøran Wigum (Eirik Kristoffersen)

0-2    65 min Gøran Wigum (Trond Vegard Ripe)

1-2    82 min ukjendt

1-3    90 min Mathias Flo (Arild Underdal)

Gult kort:  

Fjøra (4-3-3):

Håvar Mjelleli (A Horvei frå 46.)

--------------------

Ole Martin Bolset (Arild Underdal frå 75.)

Per Eirik Lunde

Knut Ripe (Daniel Fylling frå 75.)

Eirik Kristoffersen

--------------------

Steffen Olsen

Gøran Wigum (Elias Saltnes frå 70.)

Håvard Stedje (K Erstad frå 46.)

--------------------

Anders Hjeltnes Erik Loftesnes frå 46.)

Mathias Flo

Mats Nondal (Trond Vegard Ripe frå 46.)