Grinde Håre årets dommar

Asbjørn Kjetil Grinde Håre kåra til årets beste dommar i Sogn og Fjordane

Samstundes med Fjøra sin årsfest var det denne helga kretsting i Førde. Her vart Asbjørn Kjetil Grinde Håre kåra til årets dommar, ei fin utmerking og anerkjennelse for 42-åringen. Asbjørn Kjetil har gjennomført ein solid sesong der høgdepunktet nok var då han vart plukka ut til å dømma den gjevaste finalen i Norway Cup, nemleg finalen for junior. Fjøra FK fekk også ein liten påskjønning for godt dommararbeid i sesongen som gjekk. I tillegg til Asbjørn Kjetil har både Kjell Rune Nyheim, Tor Henning Mardal og Yngve Håkonsen gjort sine saker bra i året som har gått og fortjener ros for innsatsen.

Me gratulerer Asbjørn Kjetil med utmerkelsen årets domar og ønskjer han lykke til vidare i 2014!